Si punon SMG
SMG (Sequential Manual Gearbox) është kambio manuale e BMW-së që ndërron me presion hidraulik. Një pompë elektrike mbush akumulatorin, dhe blloku i valvulave e drejton lëngun te cilindrat që hapin friksionin dhe ndërrojnë marshet, shumë shpejt.
Gjenerata e parë erdhi te M3 E36, SMG II te M3 E46 dhe SMG III te M5 dhe M6 me motor V10. Të gjitha varen nga presioni: kur pompa ose akumulatori dobësohen, kambio ngadalësohet, tregon defekt ose mbetet në neutral.
Shenjat e defektit
- Drita e kambios ose mesazh defekti në panel
- Kambio mbetet në neutral ose bie në neutral gjatë ngasjes
- Ndërrimet bëhen ngadalë ose me goditje
- Pompa dëgjohet gjatë ose ndizet shpesh
- Vetura nuk ndizet ose nuk lëviz nga vendi
Çfarë prishet më shpesh
- Pompa hidraulike
- Një nga defektet më të njohura te SMG: motori i pompës dhe releja e saj konsumohen, dhe sistemi nuk arrin presionin e duhur.
- Akumulatori i presionit
- Kur humb mbushjen, presioni bie shpejt dhe pompa punon pa pushim.
- Blloku i valvulave dhe sensorët
- Valvulat që ngecin dhe sensorët e pozicionit ose të presionit japin ndërrime të ngadalta ose defekt.
- Friksioni
- Konsumohet më shpejt me ngasje sportive. Pas ndërrimit duhet adaptim me tester.
Si e riparojmë
- Diagnostikim me tester. Lexojmë kodet e defekteve, presionin dhe vlerat e sensorëve.
- Matje e presionit. Kontrollojmë pompën, akumulatorin dhe rrjedhjet.
- Riparim ose ndërrim i pompës, akumulatorit, valvulës ose sensorit që ka dështuar, me çmim fiks të miratuar nga ju.
- Lëng i ri dhe ajrosje e sistemit hidraulik.
- Adaptim i friksionit dhe i marsheve me tester, provë në rrugë dhe garanci 12 muaj.
Si ta ruani SMG-në
- Mbajeni baterinë në gjendje të mirë: SMG është i ndjeshëm ndaj tensionit të ulët.
- Kontrolloni nivelin e lëngut hidraulik në servis dhe përdorni vetëm llojin që kërkon BMW.
- Kur pompa fillon të punojë më shpesh se zakonisht, ejani para se të ndalet fare.
- Pas ndërrimit të friksionit kërkoni adaptim me tester.